Бүгін, 28.04.2018ж. күні Төлеген Айбергенов атындағы №16 орта мектепте «Ынтымағы жарасқан-Қазақстан!» тақырыбында 1 мамыр- Бірлік күніне арналған сынып сағаттары өтті. Мақсаты: оқушыларды патриоттық рухта тәрбиелеу, елін сүйетін, бірлігі жарасқан Қазақстан мемлекетіндегі әртүрлі ұлт өкілдерінің татулықты ту еткен достастығын дәріптеу. Сынып сағаттары әртүрлі бағытта, мазмұнды өтті. Бастауыш сыныптарда әртүрлі ұлттардың достастығын рольде сомдап, әр ұлттың өнерін, ұлттық киімін киіп сахналық қойылымдар қойса, орта буында достықты, татулықты қалай түсінетінін топтарда талқылап өз ойларын жинақтап бірлескен жобалар жасады. Жоғары буын «Елімнің достығын ардақтаймын!» тақырыбында эссе жазды.