2018 жылдың 14 желтоқсан күні Тәуелсіздіктің 27 жылдығына арналған «Тәуелсіз - Қазақстаным!» атты іс-шара Төлеген Айбергенов атындағы №16 орта мектепте өтті.
Мақсаты:
- Еліміздің тәуелсіздік алу жолындағы ата - бабаларымыздың ерлігін паш ету, оқушыларға, желтоқсан құрбандарымен, желтоқсан оқиғасына қатысқан аға - апалардың ерлігін үлгі етіп көрсету.
- Оқушылардың туған өлкемізге деген сүйіспеншілігін, сезімдерін ояту
- Елін, жерін сүюге, Отанын қастерлеуге, шыншылдыққа тәрбиелеу.
«Тәуелсіз - Қазақстаным!» атты іс-шара Қазақстан Республикасының Мемлекеттік әнұранының орындалуымен басталды.Мектеп директоры Айтмұхаметова Б.Қ.мектеп ұжымын,оқушыларды құттықтап,мұғалімдерді «Алғыс хаттармен» марапаттап,өзінің жылы лебізін білдірді.Қазақстан халқы үшін желтоқсан айы өте ерекше әрі қастерлі екені мәлім, себебі желтоқсанмен ата-бабаларымыздың азаттық туралы ғасырлар бойғы арманы, Ұлы Дала Елінің өркендеуі мен асқақ жетістіктері тығыз байланысты.Мектеп оқушылары:
Тәуелсіздік күніне арналған өлеңдер,әндер орындады,кадет сыныпының оқушылары Қорғаныс министрлігіне қарасты құрметті қарауыл ротасының қойылымдарын, домбырада «Адай» күйін орындап өз өнерлерін көрсетті. Тәуелсіздік күніне арналған іс- шара қызықты және өте жоғары деңгейде өтті.