"Жасыл ел" жастар еңбек жасақтары
2021 жылдың маусым айының 1 мен 30 арасында, Т. Айбергенов атындағы #16 орта мектебінің 8-9 сынып оқушылары "Жасыл ел" жастар еңбек жасақтары бағдарламасына қатысты. Бұл бағдарламаның мақсаты - экологиялық мәдениетті арттыру, қоршаған ортаны аялау. Бағдарлама «Еңбек етсең ерінбей, тояды қарның тіленбей» деген философияны өскелең ұрпаққа ұғындырып, жазғы демалыстарын босқа өткізбей, жұмыс істеп, қосымша қаржы табуға молынан мүмкіндік тудырды. Аталмыш бағдарлама аясында еңбектеніп жүрген жастар мектеп маңын, арық бойларын тазалап қана қоймай, футбол алаңдары ауласында тазалап, қураған ағаштарды кесіп, тасжол жиектерін әктеу сияқты игілікті іс жасау барысында үлкен белсенділік көрсетті. Маусым айында жасақшылар тынбай жұмыс жасады. «Таза болса маңымыз, сау болады тәніміз» деп атам қазақ айтпақшы, «Жасыл ел» жасақшылары қоршаған ортаның көркеюіне, қоғамдық орындардың таза тұруына өз септігін тигізді. Бағдарлама барысында оқушылардың қауіпсіздігі мен денсаулығына жауапты болған мұғалімдер: Абдрахманов Ермек Зейнуллаевич және Абеуова Айдана Қалабайқызы.#жасылел2021 #жасылеластана #жасылелнурсултан #жасылел16ортамектеп
Просмотров: 425
Комментарии